Dhjetëra të vdekur në një shkollë në SHBA
E premte, 14 dhjetor 2012
- 15 dhjetor 2012: Dhjetëra të vdekur në një shkollë në SHBA
- 11 mars 2012: Një ushtar amerikan hap zjarr dhe vret 16 civilë në Afganistan
- 17 janar 2012: Wikipedia në gjuhën angleze mbyllet për 24 orë
- 20 maj 2011: SHBA, Strauss-Kahn jep dorëheqjen nga posti i kreut FMN
- 10 prill 2011: Qytetet, linja e parë e luftës kundër ndryshimeve klimatike
Një i ri 20 vjeçar ka qëlluar me armë në një shkollë fillore në SHBA duke lënë të paktën 27 të vdekur, nga të cilët 20 fëmijë nga 5 deri në 10 vjeç. Ngjarja e rëndë ka ndodhur në shkollën "Sandy Hook Elementary School" në Njutaun, Konektikat.
Fillimisht u dyshua se autori i kësaj masakre ishte 24 vjeçari Ryan Lanza, por më pas doli se autori kishte qenë vëllai i tij Adam Lanza. Ky i fundit vrau nënën e tij në shtëpi dhe më pas u drejtua për te shkolla ku ajo punonte si mësuese duke vrarë fillimisht drejtoreshën dhe psikologen e shkollës dhe më pas hyri nëpër klasa duke qëlluar mbi fëmijët. Mësohet se Adam Lanza, pas kësaj masakre, i ka dhënë fund jetës duke qëlluar nga vetja.
|
Nuk besoj të ketë ndonjë prind amerikan, që nuk ndien të njëjtën dhimbje therrëse, siç ndjej edhe unë | 
|
—Barak Obama | ||
I riu mbante një pushkë të kalibrit 223 mm dhe dy pistoleta.
Fëmijët e tjerë janë evakuuar plotësisht nga zjarrëfikësit, të cilët i kanë vënë në rresht dhe i kanë urdhëruar për të mbyllur sytë, në mënyrë që të mos shihnin skenën e tmerrshme. Sipas dëshmive të prindërve, mund të kenë qenë më tepër se 100 të shtëna armësh. Përveç të vdekurve ka edhe disa të plagosur, ku tre prej tyre janë dërguar në spital në gjendje të rëndë.
Ndërkohë, presidenti amerikan Barak Obama, ka dalë në një konferencë për shyp ku ka folur për ngajrjen e rëndë. "Nuk besoj te kete ndonje prind amerikan, qe nuk ndien te njejten dhimbje therrese, sic ndjej edhe une" - u shpreh Obama. Ai urdhëroi uljen e flamujve në gjysmë-shtizë për 4 ditë rresht në nder të viktimave.
Burimet
- "SHBA, masakër në shkollën fillore" — Top Channel, 14 dhjetor 2012
- "Tragjedi në SHBA, breshëri plumbash në një shkollë fillore, dhjetëra fëmijë të vrarë" — Balkanweb.com, 14 dhjetor 2012
