Wikipedia në gjuhën angleze mbyllet për 24 orë
E martë, 17 janar 2012
 Ky artikull përmend Fondacionin Wikimedia, një nga projektet e tij, ose njerëz që lidhen me të. Wikilajme është një projekt i Fondacionit Wikimedia.
|
- Wikipedia Weekend Tirana 2015
- Rifillon konkursi Wiki Loves Monuments 2015
- U zhvillua në Kiev Wikimedia CEE Meeting 2014
- Wikilajme sot mbush 1 vjeç
- Wikipedia në gjuhën angleze mbyllet për 24 orë
Versioni i Wikipedias, enciklopedisë së lirë në gjuhën angleze do të mbyllet për 24 orë në shenjë proteste kundër projektligjeve të propozuara amerikane "Stop Online Piracy Act" apo siç njihet ndryshe SOPA dhe PROTECT IP Act (PIPA). Mbyllja e Wikipedias do të fillojë më 18 janar në orën 5:00 UTC dhe do të përfundojë pas 24 orësh. Këto ligje kanë të bëjnë me ndalimin e kopjimit ilegal të filmave apo përmbajtjeve televizive.
Ky vendim është marrë nga vetë komuniteti i Wikipedias dhe jo nga Wikimedia. Sipas të dhënave të votimit, 479 përdorues kanë votuar që Wikipedia të mbyllet vetëm për personat që jetojnë në Shtetet e Bashkuara, ndërsa 591 përdorues votuan për mbyllje globale të Wikipedias. Mbështetësit e mbylljes së Wikipedias theksojnë se këto ligje përbëjnë një "kërcënim ekzistencial" për Wikipedian, ndërsa kundërshtarët thonë se Wikipedia duhet të jetë asnjanëse. Ndërkohë, Sue Gardner, drejtorja ekzekutive e Wikimedias, në një letër drejtuar komunitetit të Wikipedias, ka shkruar që artikujt e Wikipedias janë asnjanës dhe jo Wikipedia vetë.
Po ashtu edhe Google është kundër këtyre ligjeve dhe në faqen kryesore do të shfaqë një lidhje që kundërshton SOPA-n dhe PIPA-n.
Burimet
- "Wikipedia mbyllet për 24 orë, proteston ndaj qeverisë" — BalkanWeb, 17 janar 2012
- "Wikipedia:SOPA initiative" — Wikipedia, (Anglisht)
- "English Wikipedia anti-SOPA blackout" — Fondacioni Wikimedia, 17 janar 2012 (Anglisht)
- Declan McCullagh dhe Greg Sandoval. "Google will protest SOPA using popular home page" — CNET News, 17 janar 2012 (Anglisht)
