Del Boske, trajneri i vitit snobohet Interi e Murinjo

Marrin gjithçka spanjollët. Jo vetëm për lojtarët, por edhe çmimet për trajnerë. Pas Iniestës, që shihet si favorit për “Topin e Artë”, përpara Ksavit dhe Mesit, “Topi i Artë” për teknikët do të fitohet nga Vicente del Boske.

Është ky zbulimi i sotëm i mediave italiane, sipas të cilave, France Football dhe FIFA kanë snobuar totalisht 3 trofetë e Interit. Kështu, pasi u la jashtë Uesli Shnajder, ka mbetur jashtë edhe Zhoze Murinjo, arkitekti i Interit që fitoi 3 trofe sezonin e shkuar.

Ai është renditur i dyti në votimin e bërë nga gazetarët sportivë, kapitenët dhe trajnerët e ekipeve kombëtare. Ndërkohë, i treti është renditur Pep Guardiola. “Topi i Artë” do të jepet më 10 janar nga FIFA dhe revista France Football.

Burimet

• A.Latifi. "Balkanweb.com" —  11. Dhjetor 2010