Berisha ndërpret fjalimin

E hënë, 12 dhjetor 2011

Kryeministri i Shqipërisë, Sali Berisha është detyruar të ndërpresë fjalimin e tij në ceremoninë e organizuar me rastin e 21 vjetorit të themelimit të Partisë Demokratike.

Berisha nuk është ndjerë mirë dhe me ndihmën e shoqëruesve të tij është larguar nga foltorja. Pasi ka pirë një kafe me miqtë dhe të ftuarit është nisur për në apartamentin e tij. Nga stafi i kryeministrit bëhet e ditur se ai ka kaluar një gjendje të fikti dhe se gjendja e tij është përmirësuar tashmë. Përpara ndërprerjes së fjalimit Berisha ka qenë duke folur për krijimin e Partisë Demokratike.

	Në vitin 1990 studentët e Tiranës, të udhëhequr nga tribuni Azem Hajdari, do të mblidheshin me një kurajë të pashoq dhe do të gjunjëzonin në rrugë dhe kudo diktaturën komuniste më të egër në Evropë
—Sali Berisha