Dita e AIDS, Vasili: 20% më pak të prekur

Nga Wikilajme, burimi i lirë i lajmeve që ju mund të shkruani!
Jump to navigation Jump to search
Pntbl.png
Statusi: E mbaruar 22:45, 1 Dhjetor 2010 (UTC)
Ju lutem mos bëni asnjë ndryshim thelbësor. Keni ndonjë opinion për këtë lajm? Postojeni!


1 Dhjetori shënon dhe Ditën Ndërkombëtare të luftës kundër sëmundjes së HIV/AIDS.

Një datë kjo që synon rritjen e ndërgjegjësimit për të parandaluar dhe luftuar këtë sëmundje.

Në vendin tonë, numërohen rreth 406 persona të prekur nga virusi HIV, 41 prej të cilëve u shënuan si raste të reja vetëm për këtë vit.

Ndërkohë që 85 persona kanë humbur jetën nga kjo sëmundje dhe vihet re një rritje e numrit të femrave të infektuara.

Megjithatë, sipas ministrit të Shëndetësisë Petrit Vasili, krahasuar me një vit më parë, shifrat kanë rënë me rreth 20 përqind.

Shqetësimi më i madh i specialistëve është rënia e numrit të personave që shkojnë për t’u diagnostikuar.

Në një situatë të tillë, mjekët garantojnë për ruajtjen e konfidencialitetit dhe shpjegojnë procedurën e testimit.

Ndërkohë, përfaqësuesi i Kombeve të Bashkuara në vendin tonë, Dedlef Palm, ka vlerësuar punën e qeverisë në këtë fushë, ndërkohë gjithesesi ka inkurajuar vazhdimin e luftës kundër kësaj sëmundje.

Ndërkaq, janë bërë gati dy projekt-vendime në ndihmë të personave të prekur nga sëmundja e AIDS.

Ai për llojin dhe masën e ndihmës sociale për personat nën 18 vjeç, dhe ai për parandalimin dhe kontrollin e sëmundjes në institucionet e arsimit, trajtimit por dhe në burgje.

Burimet[redakto]


Bookmark-new.svg