Hapësirë, "Endeavour" mbyll me sukses udhëtimin e fundit në Orbit

Nga Wikilajme, burimi i lirë i lajmeve që ju mund të shkruani!
Statusi: E mbaruar 2 qershor 2011 22:21 (CEST)
Ju lutem mos bëni asnjë ndryshim thelbësor. Keni ndonjë opinion për këtë lajm? Postojeni!


Anija kozmike amerikane "Endeavour", me gjashtë astronautë në bord, nga të cilët një italian, u ul sipas parashikimeve për herë të fundit sot në Florida (juglindje), sipas pamjeve të transmetuara direkt nga televizioni i NASA-s.

Anija preku pistën e Qendrës hapësinore Kennedy në orën 06:35 GMT me një shpejtësi 360 kilometra në orë pas një zbritjeje të shpejtë për 65 minuta nga orbita tokësore.

"Endeavour" fluturoi mbi Amerikën Qëndrore, Gjirin e Meksikës para se të mbërrinte në Florida. Në pilotim automatik gjatë gjithë zbritjes, komandanti i bordit Mark Kelly mori në dorë komandën manuale të anijes për ta sistemuar në pistë duke bërë një kthesë 245 gradë.

Televizioni i NASA-s transmetoi direkt si gjithnjë pamjet nga udhëtimi i fundit që nga kabina e pilotit. "Endeavour" i dha fund kështu një udhëtimi 16-ditor në hapësirë, 11 nga të cilat në Stacionin Hapësinor Ndërkombëtar (ISS), dhe mbyll me sukses misionin e 25-të dhe të fundit në orbitë.

Burimet[redakto]