Libia është e gatshme për negociata dhe reforma politike

Nga Wikilajme, burimi i lirë i lajmeve që ju mund të shkruani!
Statusi: E mbaruar 5 Prill 2011 21:24 (CEST)
Ju lutem mos bëni asnjë ndryshim thelbësor. Keni ndonjë opinion për këtë lajm? Postojeni!



Ish-kryeministri i Libisë Abdul Ati al Obeidi, anëtar i delegacionit libian në mbledhjen me Unionin Afrikan sot në Adis Abeba deklaroi se vendi i tij është i gatshëm të negociojë me kryengritësit opozitarë dhe të pranojë reforma politike, duke përfshirë edhe zgjedhje.

Negociatat e propozuara dhe reformat eventuale politike do të mund të jenë hap i madh përpara, drejt përfundimit të përleshjeve mes forcave lojale të liderit libian Moamer Gadafit dhe kryengritësve.

Obeidi theksoi se për dhunën në Libi përgjegjës janë "ekstremistët" dhe intervenimet e jashtme.

Unioni Afrikan paraprakisht bëri thirrje për vendosjen e periudhës kalimtare, e cila do të çojë drejt zgjedhjeve demokratike në Libi.

Mbledhja në Adis Abeba paraqet pjesë e përpjekjeve që të arrihet armëpushim dhe zgjidhje politike për Libinë.

Burimet[redakto]