Sarkozy: Ndërhyrja e koalicionit në Libi shmangu mijëra të vdekur
![](http://upload.wikimedia.org/wikipedia/commons/thumb/7/7c/Nicolas_Sarkozy_-_Sarkozy_meeting_in_Toulouse_for_the_2007_French_presidential_election_0299_2007-04-12_cropped_further.jpg/220px-Nicolas_Sarkozy_-_Sarkozy_meeting_in_Toulouse_for_the_2007_French_presidential_election_0299_2007-04-12_cropped_further.jpg)
Presidenti francez, Nicolas Sarkozy pohoi sot gjatë një samiti europian në Bruksel se veprimet ushtarake në Libi shmangën mijëra dhe mijëra të vdekur.
"Në Libi, veprimi ushtarak i koalicionit shmangu mijëra dhe mijëra të vdekur", pohoi Sarkozy, gjatë një konference shtypi. Duhej të shmangeshin vdekjet e çmendurisë barbare të një diktatori", këmbënguli ai. Sipas tij, vetëm pak orë më vonë popullsia e Bengazit (lindje, bastion i rebelëve) do të kishte qënë viktimë e një masakre nëse koalicioni nuk do të kishte ndërhyrë.
Sarkozy shtoi se avionët e forcave libiane, të rrëzuar nga një avion gjuajtës francez pas uljes në bazën ajrore të Misratas (lindje), u goditën se ishin nisur të qëllonin mbi popullsinë e pafajshme. Ai justifikoi gjithashtu operacionin ushtarak të koalicionit duke kujtuar se në vitin 1995, nuk ishte bërë asgjë për të shpëtuar popullsinë myslimane boshnjake të Srebrenicës, ku u vranë 8.000 persona.
Shih dhe këtë
[redakto]- Francë - Juppe: Kadafi diktator i çmendur (24.03.2011)
- Libi - ShBA: Forcat e Kadafit janë tërhequr, por mbeten kërcënim (25.03.2011)
Burimet
[redakto]- "Sarkozy: Ndërhyrja e koalicionit në Libi shmangu mijëra të vdekur" — Radio Televizioni Shqiptar, 25. Mars 2011