ShBA: Gates kundër një operacioni ushtarak që parashikon Kadafin
Sekretari amerikan i Mbrojtjes, Robert Gates u shpreh dje kundër një goditjeje ushtarake që kishte si shënjestër drejtuesin libian Muamar Kadafi.
I pyetur mbi mundësinë e ushtrive aleate nëse mund të kenë si shënjestër kolonel Kadafin, pas shkatërrimit të rezidencës së tij ushtarake, Gates theksoi se koalicioni do të respektojë rezolutën e Kombeve të Bashkuara që autorizon përdorimin e forcës për mbrojtjen e civilëve në Libi.
"Mendoj se është e rëndësishme të reagojmë në kuadër të një mandatrezolute të Këshillit të Sigurimit të OKB-së, deklaroi ai për gazetarët në avionin që po udhëtonte drejt Rusisë. Ministri nënvizoi se ndërhyrja kundër Libisë ishte ndërmarrë nga një koalicion shumë i ndryshëm dhe shtimi i objektivave do të minonte konsensusin që ka të bëjë me rezolutën e OKB-së.
"Nëse ne fillojmë të shtojmë objektiva, mendoj se kjo do të përbëjë problem, theksoi ai. "Ne nuk e dimë se çfarë na ofron e ardhmja. Të gjitha vendet dëshirojnë që Libia të jetë një shtet i bashkuar", shtoi Gates.
Burimet
[redakto]- "ShBA: Gates kundër një operacioni ushtarak që parashikon Kadafin" — Radio Televizioni Shqiptar, 21. Mars 2011
