Zvicra ngrin fondet e ben Ali dhe Laurent Gbagbo

Nga Wikilajme, burimi i lirë i lajmeve që ju mund të shkruani!
Statusi: E mbaruar 17:57, 20. Janar 2011 (UTC)
Ju lutem mos bëni asnjë ndryshim thelbësor. Keni ndonjë opinion për këtë lajm? Postojeni!


Zvicra vendosi të ngrijë të ardhurat që presidenti tunizian, Zine El Abidine Ben Ali dhe presidentit të Bregut të Fildishtë, Laurent Gbagbo si dhe bashkëpunëtorët e tyre mund të kenë në konfederatë. "Zvicra vendosi të bllokojë me efekt të menjëhershëm të gjitha fondet në Zvicër të ish-presidentit tunizian, Ben Ali dhe bashkëpunëtorëve të tij", theksoi në një konferencë shtypi presidentja zvicerane, Micheline Calmy-Rey. "Qeveria zvicerane vendosi përveç të tjerash të bllokojë të ardhurat e këtyre personave në Zvicër", shtoi ajo. Një vendim i njëjtë u mor edhe kundër presidentit të Bregut të Fildishtë, Laurent Gbagbo, i cili refuzoi t'i hapë rrugën presidentit të njohur nga komuniteti ndërkombëtar, Alassane Ouattara, në përfundim të zgjedhjeve presidenciale në fund të muajit nëntor.

Burimet[redakto]